Պրեմիեր Լիգա (Անգլիա)

Առաջին ֆիլմը պատմում է «Մանչեսթեր Յունայթեդի» մասին, որը Սըր Ալեքս Ֆերգյուսոնի գլխավորությամբ 26 տարի անց դարձավ Անգլիայի չեմպիոն՝ հաղթելով Պրեմիեր լիգայի առաջին մրցաշրջանում:

Երկրորդ ֆիլմը պատմում է «Բլեքբեռն Ռովերսի» անհավանական չեմպիոնության մասին, որը գրանցվել է 1994/95 մրցաշրջանում՝ Ջեք Ուոքերի գլխավորությամբ:

Երրորդ ֆիլմը պատմում է «Լիվերպուլ»-«Նյուքասլ» հանդիպման մասին, որը ստացել է «դարի խաղը» անվանումը:

Չորրորդ ֆիլմը նվիրված է «Արսենալի» նախկին հարձակվող Դենիս Բերգկամպին և նրա անհավանական խաղին:

Հինգերորդ ֆիլմը նվիրված է «Արսենալին», որն Արսեն Վենգերի գլխավորությամբ 2003/04 մրցաշրջանում դարձավ Պրեմիեր լիգայի հաղթող և մնաց անպարտելի:

Վեցերորդ ֆիլմը պատմում է Ժոզե Մոուրինյուի «Չելսիի» ղեկին անցկացրած առաջին մրցաշրջանի և Պրեմիեր լիգայում տարած հաղթանակի մասին:

Յոթերորդ ֆիլմը պատմում է Պրեմիեր լիգայում երբևէ խփված ամենագեղեցիկ գոլերից մեկի մասին: Մանչեսթերյան դերբիում հրաշալի հարվածով աչքի է ընկնում Ուեյն Ռունին:

Ֆիլմը պատմում է «Մանչեսթեր Սիթիի» լեգենդար հարձակվող Սերխիո Ագուերոյի և ՔՊՌ-ի դեմ խաղի վերջին վայրկյաններին նրա խփած չեմպիոնական գոլի մասին: